Puka

Mirë se erdhët në Pukë! Pukë është një pjesë e mahnitshme e trevave shqiptare dhe vendi ku mund të njiheni me një pjesë të virgjër të këtyre trevave. Historia e pasur dhe vlerat turistike të mahnitshme janë shoqëruar gjithashtu me një bujari e mikpritjen e banorëve të kësaj zone. Në Pukë do të keni ditë të veçanta të qëndrimit tuaj, duke u kënaqur me bukuritë natyrore të luginave të thella, malet e larta, pyjet të dendura, dhe burime uji të kristalta. Jo vetëm natyra, por edhe trashëgimia kulturore dhe traditat e veçanta të kësaj zone do të bëjnë që shënjestrat tuaja të qëndrimit të jenë të paharrueshme. Vizitoni Pukën dhe zhyteni në mrekullitë e saj!

Bukuritë natyrore të kësaj treve janë befasuese, po kaq interesante është dhe jetesa e malësorëve të saj, që kanë një kulturë të pasur shpirtërore e materiale, të krijuar gjatë shekujve të trashëguara brez pas brezi. Bukuritë natyrore, trashëgimia e pasur historike e kulturore e gërshetuar me tiparet karakteristike të malësorit pukjan e bën këtë trevë mjaft tërheqëse, që dëshiron ta njohësh, ta prekësh e ta shijosh… POZITA GJEOGRAFIKE Krahina e Pukës shtrihet që nga rrënojat e qytetit mesjetar Sarda mbi lumin Drin e deri tek ura e Vezirit, në lindje. Rrethi i Pukës, ka një sipërfaqe prej 1036 km2 dhe bën pjesë në Prefekturën e Shkodrës dhe përshkohet prej rrugës Shkodër- Kukës-Prizren. Qendra kryesore administrative e rrethit është qyteti i Pukës me afro 5500 banorë. Rreth 20 km larg tij ndodhet qyteti i Fushë-Arrëzit i krijuar si qytet rreth gjysmës së parë të shekullit XX. Puka ka në përbërjen e saj njësitë administrative: Pukë, Qerret, Qelëz, Rrape, Gjegjan. Qendra kryesore e Bashkisë, Puka, është ndërtuar në lartësi 800-838 m. Mjedisi natyror i Pukës i paraqitur në mënyrë të përmbledhur ka male, ultësira, lugina, lëndina e livadhe të pasura me bimë mjekësore, burime e kroje të bollshme, me ujë të ftohtë e klimë të freskët. Liqenet, kafshët dhe shpendët e egra janë resurse të mahnitshme dhe të pazëvendësueshme, që natyra ja ka dhuruar me bollëk. QYTETI DHE HISTORIA Emri Pukë vjen nga “Via Publika“, Udhë-Puka, rrugë e gjatë e këmbësorëve dhe e karvanëve, që e përshkonin në lashtësi e deri në mesjetë. Kjo rrugë niste nga LISSUA- SCODRA-KUKËS-DARDANI dhe arrinte deri në brigjet e lumit të Danubit. Brenda këtyre hapësirave gjeografike, shtrihet një territor i thyer malor, kryesisht i veshur me pyje dushku, pishe dhe ahu. 4 Terreni i ashpër malor ka krijuar tri ndarje: natyrore, gjeografike dhe etnologjike. Pukë Iballë, Spaç, që më vonë u ndanë në shtatë ndarje më të vogla, të quajtura shtatë bajrakët e Pukës. Që në lashtësi Puka banohej nga fiset Ilire të Pirustëve që ishin mjeshtër të nxjerrjes dhe përpunimit të metaleve. Puka si një qytet ka një hershmëri mbi 2000 vjeçare dhe dokumentohet me hartat